黎明嘅4D演唱會一波三折,因為中國製布料不合英國防火規格,首場被迫取消,不過因為黎明誠懇嘅道歉以及真.開誠佈公嘅解決手法,反而令好多網民一致讚賞。
4月28日首場取消,而第2及第3場演唱會拆除布幕下舉行,雖然黎明依然賣力,不過呢個演唱會係賣4D效果所以售價偏高,o依家冇晒特效,始終都會有觀眾覺得「冇咁抵」,日前黎明方面宣佈4月28日可轉成5月4日場次觀賞,亦可進行退票,今日大會公佈完整嘅退票安排如下:
1.持有4月28日演唱會門票之觀眾可以在演唱會期間到場館入口處進行退票,或者聯絡購得門票之票務公司(包括香港票務公司Cityline(852)23144228、內地票務公司大麥4006103721永樂4006228228)。
2.持有其他日子演唱會門票之觀眾如欲退票,可於帶同演唱門票當日起至5月7日前,每日下午5時30分開始到場館入口處進行退票。
而5月7日之後只接受持有4月28日門票嘅觀眾退票,大家要留意喇!