當年今日
關於我們

【轉圈挑戰】體驗嚴重貧血病人頭暈感覺 倪晨曦暈到撞落佈景板

蘋果日報 2018/03/03 16:54

楊文蔚倪晨曦

倪晨曦與跳高女神楊文蔚今日喺將軍澳為紅十字會「給血聯盟」啟動禮擔任嘉賓,佢地即場示範「轉圈挑戰」體驗嚴重貧血病人頭暈嘅感覺。
倪晨曦轉完圈即暈到要楊文蔚扶住,仲成個人撞咗埋去佈景板度,佢話:「好彩有佢扶住我,我頭先冇就住玩,o依家都仲有少少暈。我都試過去捐血,但係因為缺鐵所以唔捐得,近呢半年開始食齋,食多咗啲鐵質,所以我都想一陣再試吓捐唔捐到血,我仲會tag男友同其他朋友參加呢個挑戰。」佢仲話o依家轉咗食素,其實冇想像中咁辛苦:「我都係受朋友影響,之前睇過好多文章同影片,原來殺動物真係好殘忍。之前我好鍾意食海鮮,一直俾藉口自己唔食素,不過o依家決心要食全素。」
倪晨曦仲話男朋友當初都擔心佢食素唔夠營養,同埋出街食飯會好麻煩:「不過佢依家都食多咗菜,我又唔會唔俾佢食肉,而且大家都健康咗。」
精選娛聞,喺晒《娛果》
http://fb.com/appledailyent
empty
倪晨曦與跳高女神楊文蔚今日為紅十字會《給血聯盟》啟動禮擔任嘉賓。
empty
佢地即場示範「轉圈挑戰」體驗嚴重貧血病人頭暈嘅感覺,倪晨曦轉完圈即暈到要楊文蔚扶住。
empty
倪晨曦話:「好彩有佢扶住我,我頭先冇就住玩,o依家都仲有少少暈。」
empty
佢仲話o依家轉咗食素,其實冇想像中咁辛苦:「我都係受朋友影響。」