當年今日
關於我們

【做個爆肌男】沈震軒激晒人魚線 原來係因為......

蘋果日報 2017/09/29 19:23

沈震軒太陽娛樂

喺舊年11月約滿無綫嘅沈震軒(Sammy),嗰陣Sammy未定下自己嘅計劃,希望可以試吓多啲嘢,睇吓邊一樣最啱自己。經過一段時間嘅考慮,最終決定加盟太陽娛樂,下個月仲會舉行記者會。
話晒希望有新發展,點都要做番啲嘢,等大家有個新感覺,於是乎Sammy走去玩健身,經過一連串嘅努力之後,成功見到六舊腹肌、爆筋粗壯雙臂同人魚線,日前佢影咗一輯爆肌相!,Sammy話半年前已經開始健身過程,佢仲話:「修身操練並唔係最辛苦,最辛苦係戒口,因為我太為食。」原來教練叫佢只食白烚雞肉同吸收大量蛋白質,每日飲八公升水以排清身體鹽分。
Sammy搞笑話:「初初出街真係好麻煩,好怕塞車搵唔到廁所,跟住到咗脫水期,基本上滴水不沾,最多只係可以喺健身嗰陣飲一小啖水潤喉,食白飯同蕃薯吸收碳水化合物,所以真係要靠強大意志力推動自己!」好彩喺影完相之後,大家準備啲汽水同漢堡俾佢,當係獎勵,Sammy睇到雙眼發光。
empty
empty
empty
為咗呢身肌肉,沈震軒下咗唔少苦功!
empty
empty
empty
以前沈震軒真係好青靚白淨!(資料圖片)