【新增短片】
史雲斯上星期六進行咗佢哋最後一場季前熱身賽，喺主場以4:0大炒森多利亞，不過史雲斯贏到咁大比數，都要多得森多利亞攞咗球超樣衰嘅烏龍波。

話說史雲斯去到40分鐘由利萊費亞頂入，半場領先森多利亞1:0，點知下半場初段，森多利亞喺46分鐘就喺列卡度艾華利斯回傳嘅時候瀨野，踢到完全唔對路，喺小禁區邊等緊嘅守門員杜素回身都追唔番，結果個波就咁入咗自己龍門，杜素非常之冇癮，而森多利亞就係咁輸第二球。之後阿巴謙同費達歷高費南迪斯先後破網，史雲斯就大勝森多利亞4:0喇！

睇片↓↓↓
http://bit.ly/2uvp8Cd