消失咗一段時間嘅o靚模許珮榆（Diva），最近捲土重來走咗去參加ViuTV嘅《美選D.n.A》面試，正如佢咁講：「大家都遺忘咗我，所以我諗去選美，等啲人記得番我。」

結果梗係畀人大起底，好似話喺2013年Diva被爆喺18歲嗰陣已經有個幾歲大嘅兒子，兼喺夜總會做過舞小姐，但係當時佢仲係施念慈公司旗下嘅model，佢嘅經理人公司亦都冇否認呢件事，又話Diva年輕時選擇為自己做過嘅事負責任。

o依家唔知係咪要為選美鋪路，決心洗底博評判歡心，事隔3年Diva噚晚終於喺fb留言為呢件事澄清，仲話：「對於我18歲有幾歲兒子的傳聞，我終於想在此澄清這是因為我那時候有個同居男朋友，他有個兒子而我又和他住在一起視如己出，他也叫我媽咪，原本很幸福三囗可惜後來對方有第三者出現破壞我而分手，幾年時間我才能平復自己的心情。」

之後佢又為喺夜總會做過舞小姐而澄清：「而什麼舞小姐是我想想大概是之前常常無知地和朋友，前男朋友去夜場玩，而不知道是什麼地方，但是已經是過去了。」