鄭敬基（Joe）將於8月22日同23日，假演藝學院舉行兩場「鄭敬基一起敲鋼琴演唱會」。

今日Joe喺尖沙嘴舉行個唱記者會，Joe昔日拍檔兼好友黃寶欣、李婉華、錢嘉樂、王喜都有嚟支持，佢哋仲拎住酒杯敲鋼琴，認真應景！

Joe透露個唱中除咗李婉華外，其他幾位會擔任表演嘉賓，屆時仲會同緋聞女友瑪姬合唱、黎瑞恩、李健達等等。

其實呢個簡直係一個「尋人演唱會」，事關Joe當年同鄭伊健、蔡濟文有首歌《HomeAlone》，能唔能夠搵到佢哋，0依家就要睇伊健，Joe話：「伊健話『你搵唔到蔡濟文，我冇理由嚟0架，你搵到佢先講。』，佢大我，我搵到蔡濟文，佢就話要問珊珊（林珊珊）先，如果嚟埋就perfect。」