有一種女朋友叫做唐詩詠。
有一種令女朋友無法安心的男朋友，叫做洪永城。

洪永城近日被傳(好似好無辜辜咁…)佢瞞住女友唐詩詠，趁女友唐詩詠同契哥馬國明去拍旅遊節目嗰陣，同舊愛兼鍾舒漫形象指導BirdTse翻撻，被唐詩詠聞到味，嬲爆男友洪永城，更指上周二佢哋二人喺銅鑼灣「攤牌」，唐詩詠嬲咗幾日(新聞連結： http://bit.ly/1t0khbO )。

噚日洪永城同唐詩詠以行動打破「攤牌」謎團，洪永城喺Instagram貼出二人合照，留言：「黐線，我哋不知幾好。」以行動回應。(新聞連結: http://bit.ly/1WxA5ir )

咁BirdTse呢？兩日前，即係爆出洪永城翻撻佢，同埋爆出BirdTse喺fb貼出挑機合照，包括同洪永城合影加上心心emoji，另一張係心心加上tag「明天我要嫁給你」嗰日，Bird喺ig貼圖，一句到尾：Iameverythingyoucan'tcontrol

今日有周刊又搵洪永城做封面，指其激怒女友唐詩詠，買樓大計急煞停，更有指唐詩詠知道男友仍然咁花心，匿埋喊爆。樓買唔成，婚期自然都……報道又指洪永城深知呢一種女朋友真係世間難尋，而且佢亦真心愛詩詠，所以努力箍煲咁啦。

上述都係報道引述知情人士咁講啦。至於Bird本人，周刊都搵咗佢講兩句。好奇怪，如果真係冇嘢，簡單一句「唔係(翻撻)」已夠。但Bird對於記者種種追問，都係答：「下？」「我冇睇報道」「我睇一睇先」「我了解下先」

Iameverythingyoucan'tcontrol。