政府決定明年開放固網，引起部分電訊商不滿，佢哋話政府作數講大話，矛頭直指資訊科技局局長尤曾家麗。
話說政府為支持開放市場，引咗一項數據，就係電訊從業員人數在二○○○年有三萬八千人，比九四年三萬四千、九○年二萬八千都多，證明開放市場對行業有利。
不過有電訊界人士好不滿，佢印咗大堆統計處數據畀八方（見表），話政府作數。因為過去五年從業員人數下跌，佔GNP比率亦跌。而電訊市場真係開放，係九六年，故應同九六年比。
佢重話，高官要調校有利數據，不如同六○年比較啦。尤太係咪應該回應吓呢？


E-mail：[email protected]