劉德華、甄子丹、姜皓文（黑仔）同劉浩龍今日喺廣州出席電影《追龍》記者會。黑仔同劉德華喺電影《拆彈專家》合作，當時電影上映嗰時劉德華剛在泰國出事。黑仔今日記者會後接受電話訪問，佢話：「華哥出事後從未見過佢，又唔想去騷擾佢，個心都係嗱住嗱住。」

黑仔透露今日見到劉德華好精神：「真係湧現咗一句說話『華神再現』，仲好難得我哋未開口問候佢，佢已經問候咗你『點呀？有冇偷懶呀？』」劉德華即將生日，黑仔預祝他生日快樂，只係想叫佢唔好太博命。另外，黑仔透露最期待是《拆彈專家續集》開工，希望可以再同劉德華合作。