唔經唔覺，張繼聰（阿聰）同謝安琪嘅大仔張瞻已經11歲，上個禮拜阿聰喺fb貼咗同阿仔慶祝生日嘅相片，嗰陣佢話已預咗阿仔踏入青春期，會嫌佢又煩又老土，不過阿聰都話：「祝你努力發育，早日變聲兼牛高馬大，不過就算你份人變成點，有嘢係唔會變，你永遠都係我嘅花生米，Daddy loves you！」

今日阿聰再更新fb，原來張瞻已經小學畢業，阿聰喺社交網貼咗阿仔嘅畢業相，佢留言話：「時間最奇妙嘅地方係佢好似唔存在咁，眨吓眼，哥哥就小學畢業，好彩可以喺工作之前去佢嘅畢業，睇住佢行上台攞畢業證書，原來好大鑊，會流眼淚㗎。呢種感覺好珍貴好美妙，年輕人嘅朋友們，如果你第時有咩畢業禮，記住，一定一定要叫埋你屋企人！　#lifeistoobeautiful」

阿聰仲多張同一對寶貝嘅合照，阿女張靖越大越可愛，同哥哥成個餅印！

精選娛聞，喺晒《娛果》
http://fb.com/appledailyent