現年44歲嘅「車大叔」車勝元一向被公認做型男,近日佢參與綜藝節目《一日三餐》嘅漁村篇拍攝工作,仲不時去晚才島進行拍攝,都咪話唔辛苦。
而車大叔近日就為時尚雜誌《HighCut》拍攝一輯照片,佢仲變身成型男漁夫,即使着住漁夫嘅工作服、圍裙同黑色膠靴等,仲要戴埋橡膠手套,但車大叔依然型爆過人,一啲都唔老土。
車大叔接受雜誌訪問就話:「簡樸嘅一餐對於任何人來講,都會成為生活中最珍貴嘅回憶,呢個係我哋節目最重要嘅支點同看點,吃飯並唔係一件很有趣嘅事,重點係人身上。呢個節目有唔錯嘅收視率,可以見到大家對於樸素一餐嘅懷念,以及辛苦嘅生活現狀,因為依家社會變化太快,所以呢種能夠緩慢而慢慢觀看嘅節目受到了大家嘅喜愛。」