喺電影《星球大戰》（Star Wars）飾演莉亞公主嘅荷李活女星嘉莉費莎（Carrie Fisher），上周五飛往洛杉磯途中突然心臟病發，航機降落後被送往醫院搶救，最終喺美國時間周二早上離世，終年60歲。

消息傳後，唔少星戰迷都感到惋惜，好多人都喺社交網站留言，李克勤喺ig留言話，原來最近佢寫緊新歌《C3PO》，咁啱有幾句歌詞同莉亞公主有關，佢話：「開始幾句歌詞是這樣的，莉亞永遠是公主殿下 潔白裙上是絕代芳華 冰山也有權融化 總需要有情人送花，R.I.P.」

另一方面，DJ當奴、馮德倫、林俊傑、許懷欣同吳建豪等人亦都有留言悼念！