香港劏房，燒鵝價錢，蔗渣味道，令世界其他地區人士嘖嘖稱奇，唔少傳媒都將「如何住幾百呎劏房」作為挑戰項目，炮製專題報道。

CNN最新報道，指一對喺香港生活嘅情侶，佢哋嘅DreamHouse係有戲院、可以做Gym、有一個大廚房，有一個FullSize嘅浴缸，有好多儲物空間，仲要係智能家居！不過現實係，佢哋只係喺中區買咗一間309呎單位。

佢兩個就計過條數，話如果想買夠400呎，就要多100萬，所以寧願俾多啲錢去做靚個裝修。於是佢哋委託設計師，將一個只有300呎單位，都可以住出千呎豪宅Feel！

設計師由設計到裝修，足足用咗8個月，終於整好一間「變形金剛屋」。簡單講，都係宜室宜家有辦法咁，將啲嘢摺埋晒，要用令拎出嚟。最「勁」嘅係，你沖涼時，浴缸係浴缸，但唔沖涼時，只要加返Cushion呀，床褥呀，就立即變梳化又得，變床亦得，得咗！不過首先，Cushion、床褥啲質料係防水。

CNN報道及影片連結
http://cnn.it/1phw9Eo

掌握財經生活資訊，即Like「蘋果ATM」fb專頁啦！
http://fb.com/appledailyatm