今年蘋果亮點產品之一，桌上型電腦MacPro絕對係其中之一，除咗規格係歷代最強外，嶄新黑色圓筒設計更係話題十足，不過早前有唔少網民惡搞成垃圾桶、骨灰龕、煙灰缸及花樽等造型；不過最近日本秋葉原真係出現一款擺明惡搞MacPro、採用垃圾筒外形嘅桌上型電腦，機面更似足設有煙灰缸嘅垃圾筒，而且比MacPro更多色選擇，兼且只售14,800日圓（約港幣$1,147），相當抵玩。