舞刀弄槍鬥戲結婚7小福大鬧電視城
蘋果日報 2004/10/03 00:00
小朋友最鍾意睇兒童節目，自然發夢都諗住參觀電視台大本營，感受吓現場氣氛。今次我哋就帶住7名小蘋果直搗將軍澳電視城，發揮小蘋果嘅至叻精神，唔單止齋睇咁單調，重一Take過玩齊《獎門人》、《至Net小人類》同古裝街，嚟個演員初體驗。
記者︰威威司令
攝影︰雯雯公主
記者︰威威司令
攝影︰雯雯公主
獎門人基地
我哋首先嚟到一廠，喺《獎門人》嘅廠景嚟個遊戲Show，試吓各位小蘋果嘅臨場反應。大家千祈咪怯場呀！
至叻小主持
鏡頭一轉，我哋又去到《至Net小人類》嘅拍攝場地，但看見節目正在拍攝，各位小蘋果都自動自覺靜靜睇錄影，直到導演叫Cut……
Twins大細軒
子軒同敬軒雖然唔係兩兄弟，但不約而同以V字手勢加燦爛笑容出場，似足Twins！
子軒同敬軒雖然唔係兩兄弟，但不約而同以V字手勢加燦爛笑容出場，似足Twins！
雞啄唔斷
浚韜：「唔好閂門住啦，我重有好多嘢要同凱霖講㗎！」
浚韜：「唔好閂門住啦，我重有好多嘢要同凱霖講㗎！」
英雄救美
子軒飛身一跳，頂住度閘，等綺晴有多啲時間答問題，果然夠Man。
子軒飛身一跳，頂住度閘，等綺晴有多啲時間答問題，果然夠Man。
古裝街遇大俠
最後一站係古裝街，各位小蘋果可以盡用場內任何道具同場景表演，實行搶鏡、演技鬥一番。
大開眼界
「嘩！乜原來呢度咁凍咁靜，後面重有好多哥哥姐姐幫手㖭，好犀利呀！」
「嘩！乜原來呢度咁凍咁靜，後面重有好多哥哥姐姐幫手㖭，好犀利呀！」
扮野做DJ
「點解個唱盤唔識響？喇叭無聲嘅？」小蘋果看見這批道具就即時興奮起來，話要試吓做DJ喎。
「點解個唱盤唔識響？喇叭無聲嘅？」小蘋果看見這批道具就即時興奮起來，話要試吓做DJ喎。
譚玉英簽名
「譚玉英姐姐，可唔可以幫我簽個名呀？」綺晴果然有備而戰，搵到偶像簽名外，重成功同偶像單獨合照㖭！
「譚玉英姐姐，可唔可以幫我簽個名呀？」綺晴果然有備而戰，搵到偶像簽名外，重成功同偶像單獨合照㖭！
御前7勇士
一踏進古裝街刑場，各人變身勇猛戰士，手持各式各樣武器，自選Pose，威風到痹。
一踏進古裝街刑場，各人變身勇猛戰士，手持各式各樣武器，自選Pose，威風到痹。
誤中威威司令
「手下留情呀！大俠。」說時遲那時快，國驄已將手上支矛插咗入我腹中。好彩係道具啫！
「手下留情呀！大俠。」說時遲那時快，國驄已將手上支矛插咗入我腹中。好彩係道具啫！
大俠讚乖
「小朋友你哋真係乖，今日好唔好玩呀？」秋官唔單止有大俠風采，重逗得小朋友非常開心。
「小朋友你哋真係乖，今日好唔好玩呀？」秋官唔單止有大俠風采，重逗得小朋友非常開心。
笑騎騎大力士
「睇住嚟，我吔﹗」浚韜勇士執起兩嚿大石頭，依然笑騎騎！
「睇住嚟，我吔﹗」浚韜勇士執起兩嚿大石頭，依然笑騎騎！
賣布姑娘
「買布喇、買布喇，好平好靚嘅布呀！」凱霖搖身變賣布姑娘，烈日當空下仍有咁嘅演出，抵讚！
「買布喇、買布喇，好平好靚嘅布呀！」凱霖搖身變賣布姑娘，烈日當空下仍有咁嘅演出，抵讚！
「Good，大家準備殺青！」話說鬥戲終極一回將會在民初教堂上演，劇情講述身為富家女的凱霖，威迫樣貌俊俏但貧窮的車伕浚韜同佢結婚，新郎最終因家中老父有重病，被迫向現實低頭。一眾小蘋果在這場教堂迫婚戲演出渾身解數，完全表現了劇本的精髓。