李悅彤（Liddy）自14年介入導演彭順與李心潔婚姻，幕前工作全面停頓，幾乎消聲匿迹嘅佢，之後向幕後工作發展。直至前年10月，本報影到Liddy同已婚澳門富商鮑偉業（Ivan）親暱逛街，雖然事後Liddy否認對方係新歡，不過二人關係看來相當密切。去年Liddy同Ivan一齊出席上海舉行嘅「贏在澳洲」暨尚澳會成立發佈會，亦不避嫌齊齊企喺布景板前合照。（新聞連結：　 https://bit.ly/2I4Q7LD ）

當日Liddy被記者問到係咪轉投幕後，同埋喺邊間公司工作時，Liddy俱未肯透露，只含糊稱幕前幕後都可以做，又話同大陸投資方一齊合作，任何有關entertainment嘅都會做。而Liddy過去呢段日子，最常出現嘅就係喺澳門永利舉行嘅演唱會，包括之前嘅李克勤、曹格等歌手舉行演唱會，佢都有去後台影合照。

此外，Liddy懷孕前已經發福不少，但佢完全唔介意喺社交網展示幸福肥，今年三月喺微博貼上單人照，留言稱：「不要再說我胖了，其實有人喜歡我胖，要我胖的。」而過去嘅情人節亦有親手造蛋糕，但就完全冇透露過另一半是誰。

精選娛聞，喺晒《娛果》：
http://fb.com/appledailyent