【新增內容及回應】

懷有約五個月身孕嘅李悅彤（Liddy），早前被爆已婚，老公有傳係澳門富商鮑偉業（Ivan），o依家Liddy仲喺葵涌開咗生活家品店。（新聞連結： https://bit.ly/2K6qQCB ）

大肚婆唔易做，要開工嘅大肚婆就更加難，Liddy日前又再挺住個肚開工，佢坐喺舖頭入面嘅收銀處做嘢。不過女人都係為食，到咗晚上9點Liddy喺呢個出名掃街嘅商場覓食，目標係雪糕班戟，佢買咗一份返舖頭，同喺店入面等佢嘅老公一齊食。等到約11點左右收工，Liddy仲邊行邊摸摸肚，同腹中BB有晒交流，兩人去到停車場由老公揸車返深井寓所。

Liddy第二日約1點左右返到舖頭，一開店就落力執貨，工作忘形直到5點先有時間食外賣，一次過要食番兩個人需要嘅份量，所以食相都幾兇狠。

一直有傳Liddy老公係澳門富商鮑偉業（Ivan），雖然Liddy一直好口密唔肯透露老公真正身份，只係話今年初結婚，但日前《蘋果》終於影到Liddy老公真身，佢正正係同Liddy拍拖兩年多嘅Ivan鮑偉業。《蘋果》剛聯絡到Liddy，講到日前影到佢老公Ivan真身，Liddy笑住話:「我都唔知講乜嘢好，我都唔係呢個圈啲人。」講到老公Ivan好體貼接佢放工，Liddy哈哈笑話:「我真係唔知講乜。」問到佢大肚仲食生冷嘢雪糕班戟，Liddy話:「唔係我食呀，我買畀佢(Ivan)食㗎！」真係好sweet呢！

精選娛聞，喺晒《娛果》
http://fb.com/appledailyent