「我真係好驚,如果我獨身嘅話,死咗就算,但我有4個仔女,佢哋重好細,如果我有事,邊個照顧佢哋!」阿儀不停拭着淚說。
婚變患精神病
樣貌娟好的阿儀,15年前披上嫁衣,與任職運輸工人的丈夫育有3子1女,現年分別3歲、7歲、12歲及14歲。惟近年阿儀與丈夫感情有變,其夫於去年中離家不知所終,遺下一室婦孺。
婚變後,向來身體欠佳的阿儀患上精神病,其7歲患有耳疾的兒子,亦因無法接受家庭遽變,變得情緒不穩,需接受心理輔導,兩母子幾乎輪流進出醫院。「淨係我同阿仔啲覆診紙,都塞滿成個櫃桶,我哋兩個加埋嘅藥,更加多到可以開藥房。我哋真係食藥都食到怕。」
近日,阿儀遇上另一個嚴峻考驗:她因連月來經常感到腹部脹痛及月事不正常,遂接受婦科醫生檢查,結果發現子宮頸細胞有不尋常病變。「兩次柏氏抹片檢查(一種子宮頸檢查方法)都證實我唔妥,我真係好驚自己患子宮頸癌,我大女同第二仔聽見我報告有事,都匿埋房喊咗好耐,話好擔心我。」說到此處,阿儀已傷心得無法說下去。
公立醫院現正安排阿儀接受陰道鏡檢查,但輪候需時。為免耽誤病情,院方建議她自費先行往私家診所檢查,惟阿儀家貧無力負擔有關費用。