一代歌后鄧麗君演藝事業喺上世紀70年代末如日方中,紅遍東南亞。不過,1979年2月24號芳齡24嘅佢卻遇到重大挫折,當日佢俾日本當局指用偽造印尼護照入境,被即時驅逐出境,日本官方更聲言,不准她再到日本演出,意味佢喺日本發展隨時玩完。
鄧麗君被日本驅逐後抵港,轉機前往美國。當年處理案件嘅人民入境事務處官員爆料,由於小鄧用台灣護照唔能夠入境日本,所以經唱片公司搭路搵咗本印尼護照頂檔;由於呢本護照係經不正常途徑攞到,所以被指為流嘢。小鄧之後暫別歌壇幾年,事件丟淡咗後重出江湖,之後大紅大紫,假護照案只係佢生命中小小嘅漣漪。