公民黨毛孟靜前晚喺立法會開完會後，去咗喺立法會示威區進行、有關「網絡23條」嘅集會，比起之前有去過嘅民主黨劉慧卿、黃碧雲唔好彩，MissMo一個唔小心跣親，搞到扭傷條腰，尋日要撐住柺杖返立法會添。

前晚出事後好多人以為MissMo當時一度暈咗，尋日佢同八方講，當時佢確係眼前一黑、跣一跣腳，但係絕對無暈，不過呢一跣就觸發佢腰部舊患，所以行路嗰陣，由腰到後尾枕都有啲赤赤地，而坐低或者揸車就ok。

MissMo亦大讚黨友郭榮鏗好sweet，事關前晚郭榮鏗一知道佢出事就大為緊張，即刻話要接佢返屋企兼隨傳隨到。郭榮鏗咁體貼，難怪MissMo大讚嘅。