當年今日

KawasakiVulcan2000Classic火神發威

蘋果日報 2008/06/08 00:00


作為日本Kawasaki車系旗艦級嘅VN2000,不可沒一套頂級電鍍品壓場。醒目頭燈配粗壯把手,以大量電鍍材料粉飾全車各個部份,即使油缸上嘅淚滴形電鍍徽章,手工表現都一絲不苟,盡現誘人本領。不過,在這華麗嘅面相下,卻隱藏了狂暴本性,一旦引擎踏入3,000rpm,峯值扭力有如泉湧。別忘了佢名字係Vulcan,怎可負了羅馬火神之名?

記者:Monaco
攝影:楊錦文
模特兒:Jenny、Kimmy
動靜顯功架
美式巡航車一向追求者眾,馬力競賽唔係佢哋嘅強項,但專注於低轉扭力。佢哋之所以令人着迷,全因霸氣、力量與虛榮作祟!Vulcan2000本住以上長距離巡航車嘅不二法門,長陣軸距,加上大量BlinkBlink精緻電鍍。插入車匙一刻,扭動嘅唔只係車匙,而係加上匙膽嘅旋鈕,細緻嘅執着在這一環充份表現出來,扭油震撼一刻,最叫人窩心。當火神大燈亮起,隨之而起係嗰台2.0公升V2引擎嘅咆哮,半風冷半水冷嘅V2引擎躍躍欲動,V形汽缸爆發力傳上主軸,化成沉厚低轉扭力。充沛中轉域加速,直路巡航穩定,駕駛舒適。手握曲張巨型把手,有稱心平衡感,感受四周注目禮。大型腳踏板加前後踢變速桿,拖波時猛踩腳踏,如策馬般型仔。即使靜止,其碩大無朋嘅身形,已經可以吸引不少目光,叫人駐足留意。
empty
a.巨型單圓頭燈,特別採用咗傳統式設計。
empty
b.由車頭至尾燈,電鍍材料貫徹始終。
empty
c.錶板設計糅合現代與經典。匙膽喺插匙之後,可作整個旋鈕操作。
empty
d.闊大座席有680mm極低座高,坐落頗舒服。
empty
e.操控曲張巨型把手時,低速要花力氣,巡航時卻予人有稱心平衡感。
empty
f.半風冷式散熱設計,唔會浪費美化引擎嘅機會,同樣加上電鍍。
empty
g.2,053c.c.引擎,喺3,000rpm時已暴現狂莽扭力。
empty
h.300mm前輪碟煞,已足夠駕馭這頭龐然巨物。
美式巡航標記
火神喜愛蹂躪那條公路?似乎係未知之數,只知直至目前為止,火神車系已經肆虐接近30個年頭,痛擊一眾歐美對手。引擎發展成熟,平衡軸利用齒輪驅動,曲軸設計亦大大降低行車震盪。引擎附有ECU系統,負責監控燃油噴注系統,雙電噴嘴配合金火嘴,令引擎喺不同轉數皆有敏銳嘅油門反應。經典外觀,有先進科技有內涵。
另外,佢亦配置咗自動怠速系統,即使天冷着車亦毋須拉開風門,油門提供全天候暢順運作。打理電鍍部份已叫人花心機,皮帶傳動省掉了保養煩惱,沒有直軸嘅重量,亦沒有鏈嘅麻煩。半風冷式設計散熱,化解全水冷要克服嘅重量問題,大大減輕火神重磅嘅煩惱。唯一要挑剔係半風冷式散熱設計,死忠於美式巡航,力挺風冷至上。但是V形風冷震盪嘅粗獷,VN2000就沒有嗎?
empty
■巡航穩定感,完全嚟自1,735mm超長軸距。
empty
■粗壯雙出排氣管,奏出動人V2重低音。
規格
引擎:2,053c.c.水冷式4衝程V形雙汽缸SOHC
馬力:94ps/4,400rpm
扭力:19.5kgm/3,000rpm
傳動:5前速手動,皮帶傳動
車輛提供:泰力摩托車中心(25122228)