【睇通睇透】爺爺叉足電上陣搏殺(魯賓遜)
睇通睇透魯賓遜蒜頭爺爺
今季賽事進入倒數階段,尚餘10個賽日,共93場賽事,好多賽程都已經所餘無幾,以今戰(11日)沙田日賽為例,第二場五班泥地1200米和第四場四班草地2200米,都是季內最後一次。
這兩項賽程皆考驗馬匹的獨特性能,前者講求馬匹的泥地性能,後者講求馬匹的氣量,有路程經驗的參戰馬,值得優先留意。
第二場四班2200米,有七駒跑過同程,但只有兩駒曾經上名,「勁豐裕」上季在五班贏過同程,但今季在四班再戰勝途,卻輸六又四分三馬位跑第九,評分在50分以上跑長途,能力已經捉襟見肘。
反而,今次再度同場角逐的「蒜頭爺爺」,當日面對五升四的升班考驗,亦只輸頸位跑第二,僅不敵之後再贏兩場的「華麗再現」,但能夠彈甩季內曾勝四班賽的「精彩樂韻」兩個馬位,反映此駒跑長途至少值四班頂,目前僅49分,仲有大把水位上升。
「蒜頭爺爺」在末段衝出時,慣性向內斜跑,上仗在見習生巫顯東胯下,直路衝刺時馬頭傾側,未能發揮馬匹後勁,輸人而不是輸馬。
今次由韁繩功夫較佳的史卓豐策騎,無論沿途留放,抑或末段鬥騎,發揮始終會好過十磅仔,而且史卓豐近兩季跑同程兩次都跑入三甲,上名率百分百。相隔上賽五星期,回氣期足夠,儲足體力上陣搏殺。