有「美女廚神」稱號嘅麥潔兒（Kit）今日係銅鑼灣出席手機產品活動，佢就話平日自己都有兩部電話跟身，一部用嚟上網，另一部就用嚟幫食物影相同埋自拍喎！

Kit又話依家都有唔少唔關煮食事嘅活動搵佢出席，而且酬勞都幾滿意添，而自己呢排就主要繼續拍煮食片段放上自己喺Youtube嘅頻道。

另外有報道指高海寧俾人以8位數字邀請出席飯局，佢就講笑咁話:「我冇，自己冇呢個水準，出嚟食飯傾合作就唔同。」