佘詩曼今晚到中環出席眼鏡品牌派對，佢早前被傳染上寨卡病毒，阿佘經理人代澄清只係感冒。（新聞連結： https://bit.ly/2INZe7z ）

阿佘今晚再講番病情，解釋自己唔係患上寨卡：「冇咁誇張，係嚴重嘅感冒，成身骨痛，喺床上面郁唔到，自己都好驚，喺香港都好擔心去唔去到做嘢。」佢話日日都要佢食粥，唔明點解無啦啦會病。醫生話有需要可以住院，不過阿佘覺得喺屋企會舒服啲，問到如果有個男友喺身邊會唔會好啲？阿佘話冇諗到咁多，只係諗住幾先好會番。

梁靖琪喺受訪時講到拍拖好開心，阿佘會唔會叫Toby介紹男仔俾佢識？阿佘話：「自己都希望拍拖，但佢嗰個太細，啱佢。」阿佘話希望拍拖對象大個啲，可以溝通到，冇留意到有冇小鮮肉追求。言下之意係接受唔到姊弟戀？阿佘解釋：「未試過唔知，不過有都唔會係我嘅選擇。」咁年齡相差幾多年就會fail？佢話：「冇計過，兩個人最緊要溝通到，明白對方嘅諗法，如果太細，人生經驗未夠豐富。」

精選娛聞，喺晒《娛果》
http://fb.com/appledailyent