楊森的強勁「過票」效應，《蘋果》記者採訪時親身感受。3.11補選結束後兩星期，記者相約楊森在石排灣商場外受訪，不足一小時內，多名年長街坊主動向他揮手、甚或主動上前與他交談，紛紛稱已在補選投票支持區諾軒，有些支持，確非垂手可得。

記者 林俊謙

今年83歲的張伯伯重遇「森哥」時表現雀躍，透露1967年起由黃竹坑搬到石排灣居住至今：「我係民主黨FANS嚟㗎，喺黃竹坑（楊森）以前成日都喺嗰度（服務街坊），認識森哥好耐」。他直指楊森協助區諾軒拉票，對區選情有幫助：「我哋兩公婆，兩票呀，我個老婆跛嘅，都一齊去投啊！」

今年64歲、正在回家途中的李太，見到楊森時亦面露笑容，仿如舊友，主動問道：「楊生，你好，你好，食咗飯味啊？」李太稱認識楊森多年，至今記得楊森曾協助她處理住屋事務，認為楊森協助區諾軒拉票，對區選情有幫助，「佢（楊森）好有愛心，幫過我喺華富邨搞大廈啲嘢，都好耐囉，但記到宜家」。

66歲的梁先生則石排灣商場外準備過馬路前，主動趨前與楊森和區諾軒握手。梁先生稱：「我今次投票支持區諾軒，鍾意咪投佢囉，以前我投阿森，因為我覺得佢（楊森）識得嘢多」。對於楊森協助區諾軒拉票的效果，梁先生稱：「多個人做嘢，梗係多少少幫助，有佢（楊森）幫吓手係好啲」。

《蘋果》沙士15周年系列網站，正式登場：
https://hk.feature.appledaily.com/sars15