當年今日
關於我們

【學生欺凌】受害者爸爸受訪 嘆乖女內向未有反抗 明言追究到底

蘋果日報 2020/06/22 16:24

襲擊德貞女子中學學生欺凌

「我肯定要追究到底!」德貞女子中學近日傳出欺凌片段,即使施襲者已被拘捕,但受害同學父親李爸爸為女兒打抱不平,堅持要追究到底。施襲者已獲准保釋,不知有沒有如常上學,李同學則有待家長與學校商討好上課安排後才會再次返學,但作為父親,還是放心不下,畢竟女兒與施襲者會再於學校碰面,即使校方聲稱能夠擔保不會再發生同類事件,「我唔係好信㗎,但係個女話要喺度讀」,李爸爸尊重女兒的意見,同時又擔心不已。
李爸爸指女兒平日默書測驗成績很好,惟在考試失手,故需重讀中一,與同學關係亦很好,因而不想轉校,「佢驚我哋擔心所以有咩唔敢同我哋講」。李爸爸憶述事發經歷,指早前女兒回家時,他發現女兒身上有傷,詢問下女兒只稱自己「仆親」,故不以為意,並帶她到明愛醫院求醫,直至其姑丈網上發現欺凌片段傳出,告訴李,起初李以為片段內的主角不是自己女兒,「我個女仆親呀,姑丈話:『唔係喎俾人打喎!』」,才驚覺事件嚴重,隨即報警。
在李爸爸多番追問下,女兒才和盤托出,稱是「講閒話」才被打,「每個人都會講錯說話,但係你唔可以打人,就算大家嗌交都冇所謂㗎,但係你打人係侵犯人權㗎嘛」,李爸爸只為女兒感到不值,又指女兒平日乖巧內向,「正常一個人俾人打都反抗」,但女兒不僅沒有還手,事後也沒有告訴父母被欺凌一事。
女兒的傷勢如今已無大礙,但李爸爸仍然非常擔心:「但係佢咁打法,個腦有血嘅話,分分鐘死亡或者黐線」,只怕女兒會留有後患,不過他指女兒「冇嘢啦而家係我哋做父母嘅擔心啫」,又稱案件將於7月中上庭,但擔心到時候「會唔會冇咩事就釋放(施襲者)」,不能為女兒討回公道。
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆,我敢獎! 立即WhatsApp《蘋果》24小時爆相爆片熱線致電:63836568
empty
empty
李爸爸在家中受訪,明言「我肯定要追究到底!」