黃夏蕙、艾美琦同黃榕今日喺九展舉行音樂會，黃夏蕙著住一套閃令令嘅長裙出席， 佢件衫係自己diy加工，親手貼閃石， 貼咗一星期，佢套衫都幾低胸，但不及艾美琦性感:「就算有胸都收起，始終係老人家，讓下啲後生女，佢係我契女，靚就留返畀佢啦!」 佢仲讚契女好乖， 平時買好多飾物同埋鞋俾自己。

另外，艾美琦話之前自己返咗大陸登台， 因為太為食，食咗好多辣嘢，搞到又屙又嘔，但係有信心唔係感染傳聞中嘅新病菌，不過把聲好沙，今晚演出要取消四首歌，由其他演出者頂上。