王敏奕同馬志威任主角擔演青春電影《初戀日記:賤男蜜擾》，今日於中環擺花街一夜店開工，一眾演員並進行拜神儀式。

王敏奕飾演由細到大土生土長香港女仔，有香港人那些年少女時代感覺，一開工重拾以前返學感覺，馬志威就飾演賤男，戲中會飛起初戀女友王敏奕，但馬志威話佢現實生活係好用情專一同好錫女友嘅男士。一對小情侶預告在戲內有親熱戲，馬志威開頭就話有啲驚，唔通驚曾國祥?之後就話:「唔係驚佢，工作啫，我同曾國祥同王敏奕都識咗一段時間，冇尷尬。」

王敏奕話男友已經睇過劇本，冇多問其他，不過對方不在香港唔會探班，佢可以專心工作，並透露日常同男友會互相溝通工作做啲咩關心對方，王敏奕坦言:「反而男友冇乜見過我拍親熱戲，今次唔差o架，青春感覺又純品，密切留意，睇佢有乜反應。」