劉德華將於本月三十一日在紅館舉行演唱會,整個演唱會的製作費聲稱超過三千萬,其中舞台設計是重要一環,特別請來曾替濱崎步、松任谷由實、宇多田光和SMAP等設計舞台的日本清水舞台為他設計和建造舞台,整個舞台在日本製造。
華仔早前特別抽空到日本,觀看舞台的製作進度,並親身試舞台機關。
要拆件運回香港
華仔透露舞台製作完成後,就會像積木一樣拆件運回香港,要分二十多個貨櫃運送,清水舞台更會派出五十個員工到港,連夜把舞台搬進紅館。
華仔說:「呢個舞台一定會令大家耳目一新,個舞台有好多機關,平日香港觀眾睇演唱會,一定係四百蚊最貴飛嘅睇得最清楚,但今次演唱會就相反,三百同二百蚊嘅飛睇得最清楚成個舞台同燈光。我反而擔心買咗四百蚊飛嘅歌迷會呻笨,我唔少朋友聽完我講之後,都話要買二百蚊飛,睇清楚個舞台。」
為配合龐大的舞台設計,在台上唱歌時一向不喜歡戴耳筒的華仔,特別在日本度身訂做一對私家耳筒。醫生檢查過他的耳朵後,先用幼鉗把一條線放進華仔耳孔最深處,再用一支超級巨型針筒,把用來倒模的泥唧進他的耳朵。
「好在冇特別感覺」
華仔說:「擺條線入耳仔都有啲驚,再見到巨型針,即刻四級驚慌,好在唧泥冇乜特別感覺,二十分鐘後,啲泥凝固咗就得。」