【韓流】回復單身多緋聞 Sulli傳情人節約會Zico
SulliZico
現年22歲嘅女團f(x)前成員Sulli近日真係多緋聞,上星期先宣佈跟拍拖近三年嘅組合Dynamic Duo成員崔子分手,近日已分別傳出佢跟天團BIGBANG隊長G-DRAGON(GD)及24歲男星Zico嘅緋聞。
有韓媒影到Sulli於上月14日嘅情人節,跟一班朋友於梨泰院嘅餐廳聚會,當時崔子未有在場,雖然情人節冇崔子,不過Sulli都依然好開心,全晚跟一名男子有講有笑。韓媒噚晚公開嘅照片中,雖然遮咗該男子嘅樣,不過網民就靠側臉及身形,猜測相中人係Zico。
今早,Zico所屬事務所否認相中人係Zico,回應:「該男子唔係Zico,二人穿衣風格唔同,而且最明顯嘅係該男子穿上短袖,唔見有紋身,應該係被網民誤會啦。Zico對於傳出緋聞一事都感到非常驚訝。」另外,最終經確認後,相中男子係Sulli嘅圈外朋友。
而Sulli近日除咗跟Zico傳出緋聞外,早前又被指跟天團BIGBANG隊長G-DRAGON(GD)戴同款心型戒指,不過GD方面噚日亦已否認緋聞。
雖然Sulli近日是非多多,不過依然有好多雜誌搵佢影靚相,今日就有一輯新相公開,Sulli今次換上春裝,微露肩膊,大騷青春氣息。
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。