童稚的歌聲，映照今日的香港，震撼人心，那一句「誰還未覺醒」，是問號，也是感嘆號。周博賢說：「面對當前困局，邊個仲有權對不公義視而不見？繼續扮瞓，撫心自問，對唔對得住下一代？」有指小孩年紀太小，未必知何謂政改和普選，他不認同：「小孩子分分鐘比大人更心水清！」

香港人人為口奔馳，總是說：「搞咁多做咩吖？」冷笑、剝花生、俾人「睇死」的負能量，瀰漫這個城市，但周博賢就是不認命：「好多人覺得無用就唔做，但現實係你唔做，就永遠都無用。」歌中提到的「發聲」、「覺醒」，他說除了普選、6.22全民投票，還有很多，「包括喺唔同場合，為自己嘅權益站出來；每個人都應該喺自己嘅崗位，發揮可以發揮嘅影響力。」就如他，港大法律系畢業，偏偏愛音樂多過做律師，他的價值觀、對社會的看法，無不貫注在作品之中，由謝安琪的《吶喊》到《最好的時刻》，都是記錄時代的歌。
「有啲嘢，你諗住無效果，一齊去做，或可變到好有效果，誰知道？」奮力一戰，至少對得住自己，周博賢說。改編自《Do You Hear The People Sing》的《問誰未發聲》，《蘋果》早前發起一人一句、全港串聯，至今已經收到約850人自拍短片投稿「今日我發SING！」活動細節可瀏覽《蘋果》facebook專頁（ http://fb.com/hk.nextmedia）。

【622公投 我撐普選】 毅行直播
流動版網頁:
http://622popvote.appledaily.com