當年今日
關於我們

【叱咤頒獎禮】少爺占Donald重提「跌嘢」事件 Eason塊面越坐越黑

蘋果日報 2014/01/01 06:00


嘟嘟今晚同DJ少爺占及Donald齊任唱作人頒獎嘉賓,將合作主持節目《口水多過浪花》搬上台,大玩問答遊戲,需時都幾長。台下嘅Eason塊面越來越黑,就連兩男叫嘟嘟姐睇番條03年嘅片,問佢可知最近阿臣跌咗啲咩,但嘟嘟姐一直都估唔到,俾到提到「成二億幾」,嘟姐都係估唔到,個個都笑晒,係得阿臣一個唔笑,塊面越來越黑,一陣寒氣陣陣飄來,就連少爺占同Donald都唔敢再玩,就連答案都唔開估去下一題,可能驚預測唔到阿臣會有乜嘢反應卦。原來今次應是講最近有報道指阿徐徐濠縈叫佢一掟二億買南區豪宅一事。

跟住就頒發唱作人大獎,銅獎係盧凱彤,佢話:「樓梯難行,慢慢行,可以行到,又。」講得好簡潔,嘟嘟即謂:「多謝你,咁樣快好多。」又謂:「有啲人講致謝辭成個節目咁長。」佢地即問:「嘟姐你諷刺邊個?」呼之欲出啦。

唱作人銀獎得主係藍奕邦,金獎係周柏豪。兩人笑嘟姐會否一如台慶咁致電得獎者,於是嘟姐即打,但打來打去都冇人聽。此時阿臣又在撳電話,有網民笑道:「阿臣撳緊飛行模式,唔聽。」但原來金獎得主係周柏豪。嘟姐問佢點解唔聽電話,周柏豪話:「唔知呢,不過我會換左佢。」又問嘟姐:「可否攬你?」再謂:「一片空白。」

講講下,原來提早開騷嘅祖兒已到場,鏡頭影住,眾狂喜。周柏豪再呼籲網民唔好唔使下下「jer」住佢:「我會繼續寫嘢,po嘢,留意有冇錯字。」