NBA公牛搞咗一個別開生面嘅比賽，參加者有機會喺球隊主場聯合中心嘅班主套房瞓一晚，仲可以坐貴賓席睇下個月對76人場波，開波前更加有餐飯食。除此之外，梗唔少得比賽前參觀球場、更衣室，贏家亦都會有兩件波衫等等，最正嘅係公牛名宿柏賓會同贏家見面。比賽嘅參加方法只係用英文寫一篇550字嘅文章，講下點解你想喺公牛主場聯合中心過一晚，然後評審委員會就揀一位贏家出嚟。可惜呢個比賽只係畀住喺芝加哥嘅人玩，香港嘅公牛fans只係得個睇字！