當年今日

洗米華下屬疑背妻偷食 「嫩版朱茵」羅彩玲住豪宅晒5卡巨鑽

蘋果日報 2020/09/24 00:30

羅彩玲洗米華

太陽娛樂揸弗人周焯華(洗米華)背妻偷食轟動娛樂圈,原來他的下屬亦一樣愛玩出軌,《蘋果》收到讀者爆料,指洗米華的一名已婚下屬背妻偷食,搭上有「32C嫩版朱茵」之稱的𡃁模羅彩玲(Vivian),獲人夫照顧的她,現時住在男方名下豪宅何文田皓畋,生活富貴,更戴5卡鑽戒晒命。
曾被向華強姪兒向展邦和向展威力捧的Vivian,出過性感寫真,又跟周秀娜舊愛陳偉成爆疑似床照,曇花一現後近年已消失娛樂圈,讀者向《蘋果》爆料指Vivian疑被包養:「男方係周焯華下屬,結咗婚。始終Vivian無job接咁耐,都要生活。但最睇唔過眼嘅係收男方5卡鑽戒、名牌袋,私底下竟然仲收埋個男朋友,仲話要喺人夫身上2年搵夠1億。」爆料者指Vivian的男友姓葉,從事保險,兩人拍拖1年多,不知女友搭上人夫。
《蘋果》翻查Vivian的IG,發現她的確曾晒手戴5卡鑽戒的相片,又擁有Hermès、 Chanel等名牌手袋,還有佈置豪宅的客廳相。近年絕迹娛樂圈的Vivian,5年前曾在訪問中表示,因工作量大減需要家人資助生活費用,哽咽說:「我呢幾年做嘢,媽咪都唔使我畀家用,我最心痛係而家仲要問返佢攞錢。」並表示會轉行做繙譯或空姐。想不到短短5年,Vivian已住豪宅晒巨鑽,富貴逼人。
對於被爆搭上洗米華的已婚下屬,《蘋果》聯絡Vivian求證,她表示:「全部都係詆毀我,對於呢件事,我唔會再有任何回覆。」
empty
羅彩玲曾出性感寫真(資料圖片)
empty
羅彩玲在朋友聚會上晒巨鑽(互聯網圖片)
empty
羅彩玲的5卡巨鑽好閃。(互聯網圖片)
empty
羅彩玲在限時動態晒名牌袋。(互聯網圖片)
empty
羅彩玲擁有不同牌子名牌袋。(互聯網圖片)
empty
羅彩玲曾呻冇錢畀家用,但現在卻住何文田豪宅。(互聯網圖片)
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁