高海寧(高Ling)今日穿上藍色大露背貼身裙，喺旺角行人專用區出席手機活動，吸引半百市民圍觀。雖然人流太多，但高Ling唔擔心俾人鹹豬手：「佢哋有保安，唔怕，又有記者，而且我唔係第一次喺呢度出活動。」

高Ling又表示好想做手機代言人，原因？佢話：「我試過一星期換三部電話，因為將手機跌落地，又試過跌喺厠所。」原來高Ling又鍾意用手機煲劇，如《步步驚心》、《甄嬛傳》等，問她是否想北上拍劇？
高Ling話：「睇公司安排，啱啱拍完《My盛Lady》，所以暫時會出活動賺錢。」

溫馨提示阿高Ling，用手機睇劇又好打機又好，要俾佢休息吓唔好長開；叉電時最好唔好用，今日又一單喇……。