「個大陸仔好恐怖，睇到心寒起晒雞皮！」網民講緊嘅，就係《金宵大廈》中飾演大陸劫匪，並肢解PTGF小魚(黃文意飾)嘅方紹聰(奶仔)。繼《白色強人》及《鐵探》後，佢又做癲佬喇，就嚟變成男版趙希洛，專門演癲喪狂嘅角色。其實，連奶仔方紹聰都覺得個角色有啲變態：「我覺得自己做出嚟嘅時候都幾變態，比《白色強人》或者《鐵探》發瘟一角更加變態。」

以前，藝人唔太鍾意演反派，怕觀眾印象差。不過，今時今日演啲令人反感角色，發揮空間大相對容易彈出，所以奶仔都話：「好多謝公司可以繼續俾啲咁有發揮嘅角色我。希望呢套《金宵大廈》，大家可以睇到奶仔再變態啲嘅一面。」

除咗多謝公司，奶仔亦感激partner黃文意：「我哋有床上戲，佢唔介意我做啲誇張動作，同埋我要殺佢、焗死佢、推佢埋牆，嗰啲動作都會令佢有瘀傷，但佢都無嫌棄，呢個partner好好。」

現年26歲的黃文意喺劇中的確搶鏡，靚女喎、36D好身材喎！童星出身嘅黃文意細細個已經參演《真情》、《天地豪情》、《陀槍師姐》、《先生貴性》等經典劇，直到2016年加入TVB擔任娛樂新聞主播，並喺《3日2夜》大騷豐滿身材備受關注。佢家境富裕，老竇喺內地從事LED燈生意，因此又有「10億咪神」稱號，但佢話自己係窮藝人，仲會每月畀家用孝順父母。

9月2日起升級條件將更新 繼續每月撐壹仔 講真心話撐住我香港！