記者日前到訪劉婆婆家,按鐘良久,才見她一拐一拐前來應門。「剛才冇帶柺杖落街,對眼又唔好,唔小心踢到個坑渠蓋就成個人趴低,手鈪都跌爛埋,𠵱家膝頭哥同額頭都腫晒,好痛。」一臉痛苦的劉婆婆,邊塗着跌打酒邊對記者說。
獨自寄居親戚家
七十二歲的劉婆婆,病歷表厚如一本電話簿,她分別患有心臟病、糖尿病、哮喘病、白內障、高血壓及風濕痛等病症,每天須服用十多種藥物。「我呢一身病痛都係捱出嚟嘅,後生時太過辛苦啦。」劉婆婆說起往事,眼淚徐徐落下。
劉婆婆自幼喪父,年紀小小便追隨母親上街賣菜謀生,直至二十多歲結婚,劉婆婆滿以為找到了好歸宿,可惜事與願違,丈夫婚後染有惡習,且不務正業,當時已誕下四女一子的劉婆婆,為維持一家生計,每日身兼三職,工作逾十八小時,一直捱至六十多歲才正式退休。
當年圍着劉婆婆膝下的五名稚子,如今已長大成人,奈何其長女年前自殺身亡,其餘四人又四散各方;老來孤單一人的劉婆婆,只得投靠姪女,過着節衣縮食的生活。「我個姪女知我環境唔好,都冇收我租,只係叫我負責交啲水、電雜費,不過,講到照顧我,佢就冇乜囉,因為佢成日都唔喺香港,我一星期都見唔到佢兩、三個鐘。」
對於體弱多病的劉婆婆來說,經常獨處一室是一件非常危險的事情,過往她便曾試過因為哮喘病發而險些失救,因此令她萌生安裝平安鐘的念頭。