歐聯16強抽籤出爐，繼2012年嘅經典四強大戰，巴塞隆拿同車路士呢對冤家又再一次碰頭。車路士之前八次對陣巴塞都保持不敗，但干地冇特別興奮，只係話:「我哋嘅反應係正面嘅，過去嘅已經過去，現在就係現在，依家已經係另外一回事。」

車路士喺16強對巴塞將會係先主後客，對於呢個會唔會係優勢，干地話:「我哋一定要準備好喺主場作賽，先主後客亦冇任何優勢，對巴塞一定要付出百二分努力。喺呢個moment我哋嘅重心就係聯賽同埋爭取下屆嘅歐聯資格，對巴塞嗰時先至會諗歐聯嘅事。」

之前干地亦都講過，車路士唔可能衛冕英超冠軍，佢話：「當16場比賽你已經輸咗4場，以我嘅經驗嚟睇，我哋冇能力爭取英超冠軍。我嘅英文唔太好，但我總算講到自己想講嘅嘢。」

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS