謝婷婷今日o係屯門出席聖誕活動，佢同男友安志杰一向甜蜜，婷婷話任何一日如果遇上11時11分，就會同男友通電或短訊，真係恩愛到爆，佢話：「呢啲係有啲外國人嘅習慣，有時記得咁啱嗰個時間，就會聯絡吓。」

問佢幾時會結婚呢？婷婷話間中畀記者問結婚，有時一星期被問三次，佢o地都有傾過，不過順其自然啦。問婷婷如果工作要露股，會唔會同男友商量，佢即刻話如果自己覺得靚都可以，但一定要著條褲仔囉。