現於大埔一中學讀中三的張俊豪透過大聲公反駁阿伯,嘗試以中共惡行說服他,但如同對牛彈琴。其間有一名中年人士將撕碎的罷課傳單擲向張,然後迅速離去。圍觀的途人見狀,鼓掌力挺張,又有人向他們豎起大拇指支持。
張俊豪是7月2日參加遮打道「預演佔中」而被捕的511名市民中最年輕的。他指「維園阿伯」已非首次踩場,一直堅持言論自由原則,不去理會他。
他傾向不請事假或病假參加外間本周五罷課行動,「呢個都係一個不合作運動,所以唔請假,只會畀承諾書學校,等學校知道我哋唔係去玩、去瞓覺,已準備畀學校當曠課。」他表示,曠課會被記一個大過,日後他會透過為學校服務,以期「功過相抵」抹掉大過。
「如果𠵱家唔爭取,到2017年冇機會爭取一個真正聽香港人嘅政府。」張俊豪強調,必須在現時爭取公民提名和真普選,「如果家長反對罷課,建議同家長講我哋爭取嘅係為咗未來,唔係去搞亂香港、搗亂香港秩序,而係令我哋18歲時,可以真正投票畀為我哋做嘢嘅特首。」
昨有一男子持港英旗到場,在場旁觀的一名中年男子即大罵漢奸,雙方互罵,該男子與關注組無關。