張名雅噚日喺九龍塘拍劇時，突然天降鎚仔跌落佢坐緊嗰架車入面（圖），當堂嚇破膽，佢接受傳媒訪問時話：「當時未開始拍，只係泊好車試位，我坐喺車頭，拍文戲又唔會嘈到出面，突然嘭一聲我都嚇一嚇，心諗：『吓！唔通乜嘢特技？』但望一望玻璃碎晒，嗰下都嚇親，如果唔係架車試位駛前少少，鎚仔跌落嚟個位咁啱係我坐嘅玻璃位，好驚，原來係裝修工人跣手唔小心飛鎚落嚟。」
撰文：馮仁昭