曼城嘅19歲新兵加比爾捷西斯周三首次喺英超打正選就踢出身價波，入1球及有1次助攻，協助球作客大勝韋斯咸4:0。網民即時借呢位巴西新星嚟抽曼聯中場保羅普巴水。

加比爾捷西斯周三首次為曼城正選打英超，只係踢咗39分鐘就貢獻咗1次肋助攻同埋1個入波，睇嚟曼城用2,700萬鎊由彭美拉斯買佢返嚟，係一個非常明智嘅決定。曼聯同日喺主場贏唔到侯城而痛失兩分，網民即刻抽水，嘲笑佢哋果位身價達8,900萬鎊嘅法國中場保羅普巴，話佢頭尾紅魔踢咗31場比賽，仲未踢出身價波，好有水貨嘅味道。