容祖兒(Joey)今日到商台宣傳新歌《心之科學》，事隔兩年再派新歌 祖兒話今次係一個新嘗試：「我未試過Pop Rock曲風，今次同Dear Jane嘅Howie合作，希望擦出新火花。」

日前被拍得同師兄劉浩龍撐枱腳，並指佢哋復合，祖兒話：「我哋間唔中都會見面，我都可以同任何人食飯，唔係次次都自己食嘅，大家有任何揣測同報道，我都抱開放態度，大家唔使擔心同過份關心。」

咁o依家同師兄關係屬朋友定情侶？佢話：「喺我嘅世界入面，除非係家人，否則其他都係朋友，咁好明顯師兄唔係家人啦。」講到日前嘅生日遊船河，祖兒話因為要落水兼素顏示人，所以親自邀請自己信任嘅朋友出席包括師兄。(新聞連結： https://bit.ly/2tvvLqq )

至於生日願望，佢話：「希望媽咪身體健康。」咁想唔想學似鍾欣潼咁嫁人？曾揚言希望40歲前結婚嘅祖兒話：「依家先38，人生唔應該俾時限框死，或者我係留前鬥後，人哋結婚我唔結，之後先急起直追呢。」

精選娛聞，喺晒《娛果》
http://fb.com/appledailyent