喺今年9月突然於官網宣佈散Band的尊尼事務所組合「瀧與翼」，喺消息公佈後，成員之一嘅瀧澤秀明接連接受多間傳媒採訪，其中一篇講到自己對做藝人已經冇留戀（新聞連結： https://bit.ly/2ASBAAV ），而今井翼更因為養病關係，故消息公佈後，未再見到fans一面。

不過，今日喺尊尼官網就有一項更新，指喺除夕當晚假東京巨蛋舉行嘅尊尼晒冷跨年演唱會中，瀧與翼將會演出，相信今次將會係佢哋最後一次合體演出。

在大會原先公佈的演出嘉賓名單中，有嵐、V6、KAT-TUN、NEWS、關8、山下智久、Hey! Say! JUMP、King & Prince等，並由TOKIO的國分太一及V6的井之原快彥擔任大會司儀，預計嵐及關8都會唱紀念串燒歌，又由於大會「預告」有部份演出係先行錄影，故未知瀧與翼會以哪一種形式演出。

由於已連辦20年跨年演唱會的KinKi Kids今年預告缺席，而TOKIO又因為年初山口達也事件而沒有被安排參演，早已有不少fans擔心今年尊尼跨年演唱會會較失色，不過，如今加上瀧與翼的話，相信又會掀起一陣搶飛熱。

精選娛聞，喺晒《娛果》
http://fb.com/appledailyent