當年今日
關於我們

【Captain Nancy再現】三母子合作拍廣告 薛家燕︰希望做到有電影效果

蘋果日報 2019/05/03 16:22

薛家燕石祐珊石耀庭

去年薛家燕化身Captain Nancy,人氣一時無兩!最近家燕姐再以Captain Nancy的正面形象拍廣告,今次廣告商還找來她的仔女跟家燕姐合作,女兒石祐珊參與演出,而兒子石耀庭(Jackson)則負責執導。
對於今次三母子合作,大家都花了不少心思,家燕姐說:「今次同個女珊珊合作拍呢個廣告幾開心,同埋製作團隊係我個仔Jackson,今次佢哋擺咗好多心機喺呢個廣告上,我只係加少少意見,其實我已經放開畀佢哋做,因為我發覺年青人有好多新思維,結合我哋一啲經驗,會做到好傑出嘅作品,珊珊可能有我少少基因啦!所以係演戲方面係唔錯嘅,哈哈。」

拍攝當日,由天光拍到天黑,踩足17小時,其中一幕家燕姐更要大打出手,打足幾個鐘,家燕姐說:「攰唔攰?咁就梗係攰啦!不過心裏頭講,唔可以攰,一定要拍到最好為止,所以我要讚吓呢個幕後團隊,包括Jackson同台前、幕後成班工作團隊,仲有囡囡珊珊,頭先我都講笑話佢可以提名最佳新人獎,哈哈。」被媽媽大讚的珊珊尷尬說:「家燕姐太客氣喇!我覺得今次非常困難,因為要好認真去做搞笑嘅戲,呢個我未試過,但成件事好有喜感,希望出嚟大家會鍾意!」由於家燕姐一向都好鬼馬,當她認真拍攝時,珊珊指忍笑忍得非常辛苦。而家燕姐希望帶一些資訊給大家:「仔仔同今次製作團隊非常認真,花了好多時間做後期製作,希望做到有電影效果,亦帶到重要嘅訊息畀大家!」
《MCU寶石時軸全記錄》
1套6冊解構Marvel電影宇宙
入場睇Endgame前必讀天書!
https://hk.adai.ly/IFk7iee55V
-----------------------------
【記住63836568】全民爆相爆片!下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI