容祖兒的新歌早前以千萬售予Neway作獨家試唱，但BigEcho及Energy兩間卡拉OK亦揚言同樣有該曲的試唱版權。日前英皇已正式發出律師信，要求兩間卡拉OK即時停播，但BigEcho則堅拒讓步，更指如有損失，要英皇作出賠償。

容祖兒主唱的《我的驕傲》，早前將獨家試唱版權售予Neway卡拉OK，但BigEcho及Energy兩間卡拉OK亦同時有該曲試唱，而英皇日前已向兩間卡拉OK發出律師信，要求即時停播該曲，英皇唱片部經理林偉漢日前在電話中承認屬實，現時只等候對方回覆。

曾問律師意見
不過，BigEcho老闆娘Apple姐就強調不會停播該曲，她日前接受本報電話查詢時說：「梗係唔停播啦，我哋跟正規矩買個版權返嚟，我哋亦都問過晒幾位律師嘅意見，證明我哋播呢首歌係合法嘅，我哋都出咗律師信畀佢哋，有乜事嘅話，要佢賠償損失。」
而BigEcho卡拉OK原定在今日舉行歌唱比賽，並以一百萬獎金作招徠，由於當年容祖兒被Apple姐一手發掘，故Apple姐亦希望透過比賽物色新星，捧出祖兒的師弟妹，惜因港人現聞非典型肺炎色變，故比賽亦要延期舉行。
Apple姐無奈地說：「𠵱家要延遲啦，反應唔夠踴躍，等多啲人報名先啦。」

吊威吔痛到喊
此外，容祖兒昨日在新城電台出席「雀躍K世代歌唱大賽」記者會，她表示日前已完成無綫劇集《美麗在望》的廠景，但近日她拍攝一場吊威吔戲時，卻令她痛不欲生，她說：「吊威吔嘅時候好似坐過山車咁，成個人好攰，但第二日就知痛，我痛到欲哭無淚㖭呀。」
採訪、攝影：朱芷瑩、駱華齡