盧海鵬及林建明（沙姐）經過20多年後，再次合作ViuTV新節目《林盧去追星》，他們今日於九龍灣出席記者會，大會安排節目中新人曾贊學向二人拜師，不過被鵬哥及沙姐請食檸檬，沙姐說：「我演戲差，又冇攞過獎，唔夠膽收徒弟。」鵬哥則解釋：「我從來唔會收徒弟，如果拍完一部戲收一個徒弟，我咪好唔得閒。」

節目講述沙姐到韓國追逐偶像池昌旭，沙姐說：「原先安排我坐頭1、2行睇池昌旭個舞台劇，我諗住衝上台咀佢，點知當日有演員因為交通意外而取消，要轉睇第2場坐山頂，不過睇到佢仍然好靚仔，自己都加入咗當地嘅狂迷會。」

沙姐再與鵬哥合作，她形容對方是老頑童，經常扭計，沙姐笑說：「我幫佢改名叫『唔先生』，問乜佢都話都唔知、唔答、唔講。」盧海鵬於節目中在韓國街頭演唱，獲市民圍觀，對於再與沙姐作，鵬哥說：「冇乜感覺，同以前一樣。」

---------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9