恒指上周五跟隨美股回升，喺重磅藍籌中移動（941）領軍下，港股收市大升超過200點，難怪網友Aztecs高呼：「有941，冇窮人，全日升兩個九，犀利！」中移動上周五收報91.95元，升3.26%。

有941冇窮人

Mswingchen好開心話：「941表現咁勁，『香港始終有你』。」
Manhoman搞笑話：「唔買中移，啲錢唔識上移。」
拜人就話：「中移動曾經報88.8，有咁好意頭『發．發．發』，股價仲會繼續上。」追憶亦話：「佢長升長有，真係升到你唔信。」
Ducklhl覺得：「有中移動，唔驚坐艇。」
Onlinecck認為：「買得941嘅人，都唔慌窮得去邊，佢哋點都唔會係窮人。」不過，戰場之狼提醒各網友：「成也中移，敗也中移。」始終升得咁急，大家都係小心啲。

http://www5.discuss.com.hk/viewthread.php?tid=4711094&extra=page%3D3&page=1