Shine今日喺銅鑼灣出席一個飲品活動，吸引唔少粉絲到場支持，由於天氣炎熱，兩子好貼心咁向粉絲們送上冰凍飲品，佢哋透露每年都會搞粉絲見面會，同粉絲聚下。

講到佢哋明年3月舉行紅館演唱會，徐天佑表示現時已開始排舞，不過又要拍戲同做新歌，所以較為忙碌。冇時間生BB？天佑話：「冇呀，新戲嘅角色要減20磅，因為講我要演譯幾個階段，0依家兩星期減咗12磅，我會keep到開演唱會。」黃又南亦開始秘密練兵，佢話：「0依家3字頭嘅體力同以前差好遠，好彩自己向來都有運動，拍戲都有好多動作，不過對膝蓋舊患會有影響，之前拍戲嘅時候斷威也，照過磁力共振，醫生建議我一係開刀，一係打血清，但因為演唱會，所以兩樣都唔做得住，跳舞唯有硬頂上。」佢哋希望今次演唱會會有新突破帶畀大家。