公民黨幾位領導,包括主席余若薇同黨魁梁家傑,前者post咗聖保羅男女中學時代孖辮妹食雪條嘅純情照,袋巾亦大晒九華型仔學生look。袋巾仲「觸相生情」,話當年做學生會主席,經常組織同學落區,關心家國,思考公義,強調學生向來都係推動歷史向前嘅動力,深信佢哋終可「撼動」高牆。變咗光頭陳嘅Tanya都貼聖心孖辮相,佢話細個讀書好頑皮,好彩有好老師同好校長,估唔到做咗中女,學生反而成為佢嘅老師。
變咗光明頂嘅佔中三子呢,年屆70嘅朱耀明貼咗一張班房學生照,話今日有年輕人凝聚一股力量護城,雖然自己「年雖長,力雖弱」,亦會盡力支援;陳健民亦用四正校服look打氣,「希望同學知道,你們生活在一個考驗良知和勇氣的時代」。年少時被指似劉華甚至張國榮嘅戴耀廷,貼咗張青靚白淨文青秀氣相,坦言見到學生嘅熱情同進取,不得不承認自己有啲迂腐喎。
李八方
mailto:
[email protected]